SAM Rainsyសហស្ថាបនិកគណបក្សសង្គ្រោះជាតិ

ហ៊ុន សែន និង ឃ្លាំង ហួត មានចន្លោះពេលតែ ៣ ថ្ងៃទេ ដើម្បីសម្លាប់លោក លឹម គឹមយ៉ា

ចែករំលែក ៖​

១៥ កុម្ភះ ២០២៥ /15 February 2025

ហ៊ុន សែន និង ឃ្លាំង ហួត មានចន្លោះពេលតែ ៣ ថ្ងៃទេ ដើម្បីសម្លាប់លោក លឹម គឹមយ៉ា

ដើម្បីកុំឲ្យខូចការសម្រាប់គាត់ ដោយមិនបានសម្លាប់សកម្មជនសង្គ្រោះជាតិ ឈ្មោះ ផន ផាន់ណា ឲ្យទាន់ពេល នៅទីក្រុងបាងកកដូចគ្នាដែរ កាលពីឆ្នាំ ២០២៤ កន្លងទៅ ពីព្រោះសាម៉ីខ្លួនបានរួចគេចផុត ទៅសហរដ្ឋអាមេរិក ធ្វើឲ្យ ហ៊ុន សែន ខកចិត្តយ៉ាងខ្លាំង ហ៊ុន សែន នេះ ក៏បានបញ្ជាទៅ ឃ្លាំង ហួត ឲ្យសម្លាប់លោក លឹម គឹមយ៉ា នៅទីក្រុងបាងកក កុំឲ្យរួចខ្លួនដូច ផន ផាន់ណា ឲ្យសោះ។

ក្រុមចារកម្ម ហ៊ុន សែន បានស៊ើបការ ហើយដឹងថាលោក លឹម គឹមយ៉ា ត្រូវទៅទីក្រុងបាងកក ហើយមានគម្រោងស្នាក់នៅទីក្រុងនោះតែ ៣ ថ្ងៃទេ គឺពីថ្ងៃ ០៧ ដល់ថ្ងៃ ១០ ខែមករា ២០២៥។

លោក លឹម គឹមយ៉ា បានមកដល់ប្រទេសកម្ពុជា ថ្ងៃ ២៥ ធ្នូ ២០២៤ ជាមួយនិងភរិយាលោក ដែលជាជនជាតិបារាំង។ ស្វាមីភរិយានេះ បានទៅស្នាក់នៅទីក្រុងសៀមរាប ដើម្បីប្រារព្ធបុណ្យចូលឆ្នាំសកល នៅទីនោះ ថ្ងៃ ៣១ ធ្នូ ២០២៤។ ពួកគេ ត្រូវធ្វើដំណើរទៅទីក្រុងបាងកក ថ្ងៃ ០៧ មករា ២០២៥ ដោយធ្វើដំណើរតាមរថយន្តតាក់ស៊ីឯកជនមួយគ្រឿង។ តែមុនថ្ងៃ ០៧ មករា នោះបន្តិច អ្នកបើកបរតាក់ស៊ីនោះ បានឲ្យដឹងថាគាត់មានធុរៈ មិនអាចបើកបររថយន្តឲ្យលោក លឹម គឹមយ៉ា ឆ្ពោះទៅទីក្រុងបាងកកបានទេ ដែលជាហេតុធ្វើឲ្យលោក លឹម គឹមយ៉ា បង្ខំចិត្តជិះរថយន្តក្រុងទៅវិញ។ ការសម្រេចចិត្តបែបនេះ គឺចូលស៊ង ហ៊ុន សែន ឃ្លាំង ហួត ហើយ ពីព្រោះគេបានរៀបចំការសម្លាប់លោក លឹម គឹមយ៉ា តាំងពីនៅក្នុងឡានក្រុងនោះ ដោយមានអ្នកសមគំនិត ឈ្មោះ ពេជ្រ គឹមស្រ៊ីន នៅក្នុងឡានក្រុងនោះដែរ ហើយដែលជាអ្នកចង្អុលឲ្យជនដៃដល់ អេកាឡាក់ ភីណយ (Ekkalak pheanoi) បាញ់សម្លាប់លោក លឹម គឹមយ៉ា នៅពេលចុះពីឡានក្រុង នៅទីក្រុងបាងកក។

ហេតុដូច្នេះហើយ បានជា ហ៊ុន សែន មិនព្រមប្រគល់ លី រតនៈរស្មី និង ពេជ្រ គឹមស្រ៊ីន ឲ្យទៅនគរបាលថៃ ដាច់ខាត ទោះជានគរបាលថៃន បានចេញដីកាចាប់ខ្លួន ២ នាក់នេះ យ៉ាងណាក៏ដោយ ហើយទោះជាមានដីកាចាប់ខ្លួន ២នាក់នេះ ពីសំណាក់ប៉ូលីសអន្តរជាតិអាំងទែប៉ូល យ៉ាងណាក៏ដោយដែរ។

លោក លឹម គឹមយ៉ា មានគម្រោង ត្រឡប់ពីទីក្រុងបាងកក មកប្រទេសកម្ពុជា វិញ ថ្ងៃ ១០ មករា ហើយធ្វើដំណើរពីប្រទេសកម្ពុជា ឆ្ពោះទៅប្រទេសបារាំងវិញ នៅថ្ងៃ ២០ មករា។

Lim Kimya was targeted for assassination while traveling to Bangkok by bus on January 7, 2025. The reason for killing him precisely on that day was to prevent him from escaping, similar to another activist named Phan Phana, who was also targeted by Hun Sen but managed to escape to the USA in time, late last year. There are details of the planning of the assassination, including coordination between different individuals and organizations. Hun Sen knew the timeline of Lim Kimya’s travels, his stay in Cambodia, and his scheduled return to France on January 20. Lim Kimya was scheduled to stay in Thailand only from January 7 to 10. Hun Sen told Khleang Huot not to miss this small window of opportunity.