SAM Rainsyសហស្ថាបនិកគណបក្សសង្គ្រោះជាតិ

សារលោក សម រង្ស៊ី ជូនចំពោះបងប្អូនជនរួមជាតិ នៅប្រទេសកម្ពុជា ដែលកំពុងតែរងគ្រោះដោយទឹកជំនន់

ចែករំលែក ៖​

១៥ សីហា ២០១៩ / 15 August 2019

ខ្ញុំ សម រង្ស៊ី នឹកដល់បងប្អូនជនរួមជាតិ នៅប្រទេសកម្ពុជា ដែលកំពុងតែរងគ្រោះដោយទឹកជំនន់។ ខ្ញុំមានការសោកស្តាយ ដោយមិនអាចមកជួបបងប្អូនផ្ទាល់ ហើយយកអំណោយខ្លះ មកចែកជូនបងប្អូនជនរងគ្រោះ ដូចខ្ញុំធ្លាប់បានធ្វើ កាលពីឆ្នាំមុនៗ។ 

ខ្ញុំមានការសោកស្តាយ និងមានការឈឺចាប់ ជាមួយប្រជាពលរដ្ឋខ្មែរទូទៅ ដែលយល់ច្បាស់ថា គ្រោះទឹកជំនន់នេះ ដែលកើតមានកាន់តែញឹកញាប់ទៅៗ បណ្តាលមកពីនយោបាយបំផ្លិចបំផ្លាញជាតិ នៃរបប ហ៊ុន សែន ដែលបានកាប់បំផ្លាញព្រៃឈើយ៉ាងសន្ធឹកសន្ធាប់ លុបបឹងបួរជាច្រើននៅទូទាំងប្រទេស និងបំផ្លាញប្រព័ន្ធស្តុកទឹកនិងបង្ហូរទឹក ដោយសារតែឲ្យអ្នករកស៊ីខិលខូច ពីក្រៅប្រទេស សាងសង់អគារ និងសំណង់ផ្សេងៗ យ៉ាងអាណាធិបតេយ្យជាទីបំផុត ដោយមិនគិតពីអនាគតប្រទេសជាតិទាល់តែសោះ។