១៥ តុលា ២០២៥ / 15 October 2025
សហរដ្ឋអាមេរិក និងចក្រភពអង់គ្លេសរួមកម្លាំងគ្នា ចាត់ការមេឧក្រិដ្ឋកម្មឆបោកអនឡាញ និងក្រុមហ៊ុនឆបោកនៅកម្ពុជា! បុគ្គលដែលជាមុខសញ្ញាធំបំផុតនៅកម្ពុជា គឺឧកញ៉ា ចេន ហ្ស៊ី (Chen Zhi) ដែលជាទីប្រឹក្សារបស់ ហ៊ុន សែន និងក្រុមហ៊ុន Prince Group TCO របស់ជាតិចិនរូបនេះ។
ក្រសួងយុត្តិធម៌សហរដ្ឋអាមេរិកចាត់វិធានការរឹបអូសដ៏ធំបំផុតមិនធ្លាប់មាន ដែលមានទឹកប្រាក់ប្រមាណ ១៥ពាន់លានដុល្លា នៅក្នុង Bitcoin ដែលបច្ចុប្បន្នស្ថិតនៅក្នុងការបង្កករបស់សហរដ្ឋអាមេរិក។ នេះជាចំណាត់ការរឹបអូសទ្រព្យសម្បត្តិដ៏ធំបំផុតមិនធ្លាប់មានក្នុងប្រវត្តិសាស្ត្ររបស់ក្រសួងយុត្តិធម៌សហរដ្ឋអាមេរិក។ ការចោទប្រកាន់មួយត្រូវបានធ្វើឡើងនៅថ្ងៃនេះនៅក្នុងតុលាការសហព័ន្ធនៅទីក្រុង Brooklyn ទីក្រុងញូវយ៉ក ដោយចោទប្រកាន់ជនជាតិចិននិងសញ្ជាតិខ្មែរ គឺ ចេន ហ្សុី (Chen Zhi) ដែលត្រូវបានគេស្គាល់ថា ជាទីប្រឹក្សារបស់ ហ៊ុន សែន និងជាស្ថាបនិកនិងជាប្រធានក្រុមហ៊ុន Prince Holding Group (Prince Group) ដែលជាក្រុមហ៊ុនជំនួញដែលមានមូលដ្ឋាននៅក្នុងប្រទេសកម្ពុជាជាមួយនឹងការសមគំនិតឆបោកតាមអនឡាញនិងការសមគំនិតក្នុងការលាងលុយកខ្វក់ ព្រមទាំងការដឹកនាំប្រតិបត្តិការការបង្ខាំងមនុស្សអោយឆបោកតាមអនឡាញនៅទូទាំងប្រទេសកម្ពុជា។ ការឆបោកតាមអនឡាញនេះបានលួចលុយរាប់ពាន់លានដុល្លារពីជនរងគ្រោះនៅសហរដ្ឋអាមេរិក និងជុំវិញពិភពលោក។
ថ្ងៃនេះ FBI និងដៃគូបានប្រតិបត្តិការបង្រ្កាបការលួចបន្លំហិរញ្ញវត្ថុដ៏ធំបំផុតមួយក្នុងប្រវត្តិសាស្ត្រ។ នេះគឺជាបុគ្គលម្នាក់ដែលត្រូវបានចោទប្រកាន់ថាបានដំណើរការបណ្តាញឧក្រិដ្ឋកម្មដ៏ធំនៅទូទាំងទ្វីបជាច្រើន ដែលពាក់ព័ន្ធនឹងការងារដោយបង្ខំ ការលាងលុយកខ្វក់ គម្រោងវិនិយោគ និងទ្រព្យសម្បត្តិដែលត្រូវបានលួច ដែលកំណត់គោលដៅលើជនរងគ្រោះស្លូតត្រង់រាប់លាននាក់នៅក្នុងដំណើរការនេះ។
Khmer
English
French
