SAM Rainsyសហស្ថាបនិកគណបក្សសង្គ្រោះជាតិ

សារជូនពរលោក សម រង្ស៊ី ជូនចំពោះប្រជាពលរដ្ឋខ្មែរ ក្នុងឱកាសបុណ្យចូលឆ្នាំថ្មី ឆ្នាំសកល ២០២៦

ចែករំលែក ៖​

01 January 2026 / ០១ មករា ២០២៦

ក្នុងឱកាសបុណ្យចូលឆ្នាំថ្មី ឆ្នាំសកល ២០២៦ នេះ ខ្ញុំ សម រង្ស៊ី សូមប្រសិទ្ធពរជ័យ សិរីសួស្តី ជូនដល់បងប្អូនជនរួមជាតិ និងកូនក្មួយកូនចៅគ្រប់រូប សូមឲ្យមានសុខភាពល្អ អាយុយ៉ឺនយូរ សូមឲ្យមានសុភមង្គលក្នុងគ្រួសាររៀងៗខ្លួន ហើយសូមឲ្យទទួលបានជោគជ័យ ដូចសេចក្តីប្រាថ្នា ក្នុងគម្រោងការងារ គម្រោងសិក្សា និងគម្រោងដ៏សុចរិតគ្រប់បែបយ៉ាងទាំងអស់។

ជាពិសេស ខ្ញុំសូមប្រសិទ្ធពរ ជូនប្រទេសកម្ពុជា សូមឲ្យមាតុភូមិជាទីស្នេហារបស់យើងទាំងអស់គ្នា ទទួលបាននូវការផ្លាស់ប្តូរជាវិជ្ជមាន ដូចអ្វីដែលប្រជារាស្ត្រខ្មែរ ប្រាថ្នាចង់បាន គឺការគោរពឆន្ទៈរបស់ប្រជារាស្ត្រ ដែលស្រលាញ់សេរីភាពនិងយុត្តិធម៌ ហើយចង់រស់នៅក្រោមរបបប្រជាធិបតេយ្យដ៏ពិតប្រាកដ បន្ទាប់ពីកំចាត់របបផ្តាច់ការឲ្យបានជាស្ថាពរ។