១៤ មិថុនា ២០២០ / 14 June 2020
របប ហ៊ុន សែន មិនអាចដោះស្រាយវិបត្តិសេដ្ឋកិច្ចដ៏ធ្ងន់ធ្ងរ ដូចសព្វថ្ងៃ បានទេ។ ដើម្បីដោះស្រាយវិបត្តិបែបនេះ ប្រកបដោយជោគជ័យ របបណាក៏ដោយ ត្រូវតែបំពេញលក្ខខណ្ឌ ៣ យ៉ាង ៖
១- មានឆន្ទៈនយោបាយ
២-មានធនធាន និងប្រាក់បម្រុងគ្រប់គ្រាន់
៣- មានជំនាញ និងសមត្ថភាព។
ចំពោះរបប ហ៊ុន សែន គឺមិនបំពេញលក្ខខណ្ឌណាមួយ លើ ៣ នេះ ឡើយ ៖
១- គ្មានឆន្ទៈនយោបាយទេ ពីព្រោះឆន្ទៈ ហ៊ុន សែន តែមួយគត់ គឺរក្សាអំណាចឲ្យខ្លួនគាត់ ហើយទុកអំណាចនេះ ឲ្យកូនគាត់ថ្ងៃក្រោយ។ ប្រជារាស្ត្រវេទនាដល់ណា ក៏ ហ៊ុន សែន មិនខ្វល់ដែរ។
២- គ្មានធនធាន និងប្រាក់បម្រុង ដើម្បីជួយស្តារជីវភាពរបស់ប្រជារាស្ត្រទេ ពីព្រោះត្រកូល ហ៊ុន សែន បានប្លន់ទ្រព្យសម្បត្តិជាតិ និងទ្រព្យសម្បត្តិរាស្ត្រ គ្មានសល់អ្វីទេ ដើម្បីយកទៅដំកល់ទុក ធ្វើជាទ្រព្យសម្បត្តិផ្ទាល់ខ្លួន របស់ត្រកូល ហ៊ុន សែន អស់ទៅហើយ។
៣- គ្មានសមត្ថភាពទេ ពីព្រោះ ហ៊ុន សែន ជាមនុស្សអវិជ្ជា ល្ងង់ខ្លៅ គ្មានចេះអ្វីទេ ក្រៅពីគំរាមកំហែង និងកាប់សម្លាប់ ដែលជាជំនាញគាត់តែមួយគត់ ក្នុងឋានៈគាត់ ជាអតីតមេទ័ពខ្មែរក្រហម។
ជាសន្និដ្ឋាន របប ហ៊ុន សែន មិនអាចនៅគង់វង្សបានយូរទៀតទេ ពីព្រោះរបបនេះ ធ្វើសង្គ្រាមប្រឆាំងប្រជារាស្ត្រខ្មែរទាំងមូល ហើយរងការស្អប់ខ្ពើមពីពិភពលោកទាំងមូល ក្រៅពីចិនកុម្មុយនីស្ត ដូចកាលពីរបបខ្មែរក្រហម ប៉ុល ពត អញ្ចឹងដែរ។