SAM Rainsy

វិទ្យុអាស៊ីសេរី ៖ លោក សម រង្ស៊ី ថា ការវាយកម្ទេចអាគារជំនួយរបស់អាមេរិកបង្ហាញថាចិនបានចូលកាន់តែជ្រៅទៅក្នុងទំនាក់ទំនងផ្នែកយោធានៅកម្ពុជា / Sam Rainsy as quoted by Radio Free Asia after the demolition of a US-funded building at Ream naval base: "A further sign that China's involvement in Cambodia has a military dimension, which is in breach of the constitution and a danger to regional stability."

ចែករំលែក ៖

០៥ តុលា ២០២០ / 05 October 2020

ប្រធានស្ដីទីគណបក្សសង្រ្គោះជាតិថាការវាយកម្ទេចអាគារដែលជាជំនួយរបស់សហរដ្ឋអាមេរិក បង្ហាញថាចិនបានចូលកាន់តែជ្រៅទៅក្នុងទំនាក់ទំនងផ្នែកយោធាជាមួយកម្ពុជា ដែលទំនងអាចបង្កឱ្យមានអស្ថិរភាពក្នុងតំបន់។
ចំណែកអ្នកជំនាញផ្នែកវិទ្យាសាស្រ្តនយោបាយថា កម្ពុជាមានសិទ្ធិពេញលេញក្នុងការបំផ្លាញអាគារ ដែលស្ថិតនៅក្នុងដែនអធិបតេយ្យ នៃទឹកដីរបស់ខ្លួន ប៉ុន្តែការសម្រេចចិត្តធ្វើបែបនេះនៅក្នុងកាលៈទេសៈនេះក៏អាចធ្វើឱ្យមានក្ដីបារម្ភពីការគំរាមកំហែងដល់ស្ថិរភាពក្នុងតំបន់ ដែលកំពុងប្រទាញប្រទង់ដោយមហាអំណាចពិភពលោកទាំង២ គឺអាមេរិក និងចិននេះ។

ប្រធានស្ដីទីគណបក្សសង្រ្គោះជាតិ លោក សម រង្ស៊ី បានសរសេរសារតាមបណ្ដាញសង្គម ធ្វីតធឺ (Twitter) របស់លោក កាលពីថ្ងៃ ទី៤ ខែតុលា ម្សិលម៉ិញថា ការវាយកម្ទេចអាគារដែលជាជំនួយរបស់សហរដ្ឋអាមេរិក គឺជាសញ្ញាបង្ហាញកាន់តែច្បាស់បន្ថែមទៀត ពីទំហំនៃទំនាក់ទំនងរបស់ចិនទៅក្នុងវិស័យយោធាកម្ពុជា។

លោក សម រង្ស៊ី សរសេរបន្តថាទំនាក់ទំនងបែបបនេះកំពុងរំលោភទៅលើរដ្ឋធម្មនុញ្ញកម្ពុជា និងបង្កគ្រោះថ្នាក់ដល់ស្ថិរភាពក្នុងតំបន់។

ការបង្ហោះសាររបស់លោក សម រង្ស៊ីនេះគឺភា្លមៗបន្ទាប់ពីមានការទម្លាយព័ត៌មានថា អគារនៅមូលដ្ឋានកងទ័ពជើងទឹករាម ដែលជាជំនួយរបស់សហរដ្ឋអាមេរិក ត្រូវបានវាយកម្ទេចចោល។
គំនិតផ្តួចផ្តើមតម្លាភាពលំហសមុទ្រអាស៊ី (Asia Maritime Transparency Initiative) នៃមជ្ឈមណ្ឌលសិក្សាអំពីយុទ្ធសាស្ត្រ និងកិច្ចការអន្តរជាតិ (Center for International and Strategic Studies - CSIS) ដែលមានមូលដ្ឋាន នៅរដ្ឋធានីវ៉ាស៊ីនតោន សហរដ្ឋអាមេរិក បានបង្ហាញរូបថតតាមប្រព័ន្ធផ្កាយរណប កាលពីថ្ងៃទី២ ខែតុលា ថា អគារមួយនោះអាចត្រូវវាយកម្ទេចរវាងថ្ងៃទី៥ ដល់ថ្ងៃទី១០ ខែកញ្ញា។

Source: https://www.rfa.org/.../Opposition-chief-Rainsy...

ព័ត៌មានថ្មីបំផុត

បទសម្ភាសន៍៖ ហេតុអ្វីរដ្ឋាភិបាលព្រមានរំលាយគណបក្សប្រឆាំង ក្រោយការចុះផ្សាយរបស់កាសែតឥណ្ឌា The Sunday Guardian? / Interview: Why did the government threaten to dissolve the opposition party following the publication by the Indian newspaper THE SUNDAY GUARDIAN?

សេចក្តីប្រកាសអំពីការបោះពុម្ពផ្សាយសៀវភៅ វាយតម្លៃហិរញ្ញវត្ថុ The Unfolding Bloom Energy Story: Behind a 1,200% Stock Price Rally in Twelve Months (June 2025–June 2026) / BOOK ANNOUNCEMENT – July 2026

ផ្នែកងងឹតនៃប្រាក់បញ្ញើពីក្រៅប្រទេស៖ កម្ពុជា មីយ៉ាន់ម៉ា / The Dark Side of Remittances: Eritrea, Cambodia, Myanmar

យោងតាមច្បាប់សហរដ្ឋអាមេរិក ស្តីពីការផ្តល់សញ្ជាតិ និងដកហូតសញ្ជាតិ រដ្ឋាភិបាលសហរដ្ឋអាមេរិក អាចដកហូតសញ្ជាតិ ពីមន្ត្រី ពីសមាជិក និងពីអ្នកគាំទ្រ គណបក្សប្រជាជនកម្ពុជា ដែលបានទទួលសញ្ជាតិអាមេរិកាំង ជាសញ្ជាតិទី២

ហេតុអ្វីត្រូវផ្តួលរំលំ ត្រកូល ហ៊ុន ចេញពីអំណាច?