២២ មិថុនា ១៩៩៥ លោក សម រង្ស៊ី៖ "ខ្ញុំនឹងវិលមកទីនេះវិញ" / “SAM RAINSY FINANCE MINISTER ON JUNE 22, 1995 OUTSIDE PARLIAMENT HOUSE: I WILL RETURN”

ចែករំលែក ៖​

ក្នុងរដ្ឋាភិបាលចម្រុះអាណត្តិទី ១ ដែលបានប្រសូត្រចេញពី កិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ ១៩៩១ លោក សម រង្ស៊ី បានទទួលតំណែងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។ ទោះបីជាលោកបានជួយស្ដារសេដ្ឋកិច្ចប្រទេសកម្ពុជាឲ្យបានប្រសើរឡើងវិញក៏ដោយ តែលោកមានការលំបាក ក្នុងការបំពេញតួនាទីនេះបន្តទៅមុខទៀត ដោយសារតែសម្ដេចក្រុមព្រះ នរោត្ដម រណឫទ្ធិ និងលោក ហ៊ុន សែន ដែលជានាយករដ្ឋមន្ត្រីទី ១ និង ទី ២ បានឃុបឃិតគ្នាបណ្ដោយឲ្យមេៗទាហានកាប់ព្រៃឈើតាមអំពើចិត្ត ហើយនាំឈើយ៉ាងច្រើនសន្ធឹកសន្ធាប់ទៅប្រទេសជិតខាង ដោយប្រមូលលុយសម្រាប់តែគ្នាគេ ធ្វើឲ្យរដ្ឋបាត់បង់ប្រាក់ចំណូលយ៉ាងច្រើន។ ក្នុង​ឋានៈជារដ្ឋមន្ត្រីសេដ្ឋកិច្ចនិងហិរញ្ញវត្ថុ​ លោក សម រង្ស៊ី បានតវ៉ាប្រឆាំងនឹងអំពើពុករលួយទាំងនោះ។ តែជាលទ្ធផល សម្ដេចក្រុមព្រះ នរោត្ដម រណឫទ្ធិ និងលោក ហ៊ុន សែន បានត្រូវរូវគ្នាបណ្ដេញលោកចេញពីរដ្ឋាភិបាល ហើយបន្ទាប់មក នៅខែ ឧសភា ឆ្នាំ ១៩៩៥ លោកត្រូវបានបណ្ដេញចេញពីគណបក្សហ្វុនស៊ីនប៉ិចទៀត។ ក្រោយមកទៀត នៅថ្ងៃទី ២២ ខែ មិថុនា ឆ្នាំ ១៩៩៥ លោក សម រង្ស៊ី ដែលនៅសល់តួនាទីជាតំណាងរាស្ត្រខេត្តសៀមរាបនោះ ត្រូវបានគេបណ្ដេញចេញពី រដ្ឋសភាទៀត ដោយផ្ទុយនឹងរដ្ឋធម្មនុញ្ញ ដែលតម្រូវឲ្យលោកធ្វើជាតំណាងរាស្ត្ររហូតដល់បញ្ចប់នីតិកាលទី ១ ឆ្នាំ ១៩៩៨។

យ៉ាងណាក្ដី នៅថ្ងៃដែលលោក សម រង្ស៊ី ត្រូវបានបណ្ដេញចេញពីរដ្ឋសភា ២២ មិថុនា ១៩៩៥ លោកប្ដេជ្ញា បន្តយុទ្ធនាការរបស់លោកនៅក្រៅព្រំដែនរដ្ឋសភាវិញម្ដង។ នៅចំពោះមុខអ្នកសារព័ត៌មានជាតិ និអន្តរជាតិ លោកបានថ្លែងយ៉ាងដូច្នេះថា៖ "ខ្ញុំត្រវតែការពារផលប្រយោជន៍របស់ប្រជាពលរដ្ឋខ្មែរទាំងអស់។ ខ្ញុំនឹងត្រូវធ្វើដំណើរគ្រប់ទីកន្លែង និងទៅក្រៅប្រទេសផងដែរ ដើម្បីសុំជំនួយជួយដល់ប្រជាជនកម្ពុជា និងពន្យល់ដល់ពិភពលោកឲ្យដឹងពីស្ថានភាពពិតប្រាកដនៃប្រទេសកម្ពុជា។ ខ្ញុំអាចបំពេញតួនាទីជាតំណាងរាស្ត្របានគ្រប់ទីកន្លែង មិនចាំបាច់មកទីនេះ (មន្ទីររដ្ឋសភា) ក៏បានដែរ។ តែថ្ងៃណាមួយខ្ញុំនឹងត្រឡប់មកទីនេះម្ដងទៀត"៕

“Sam Rainsy finance minister on June 22, 1995 outside Parliament House: I will return”.

On that day Sam Rainsy, a popular member of parliament, an outspoken critic of government corruption was voted out of the National Assembly . Outside the National Assembly, Rainsy, who views his expulsion as unconstitutional and considers himself an M.P until the end of his elected term, 1998, spoke to the press. He vowed to continue his campaign outside the confines of the National Assembly. "I have to defend the interests of the entire people. I have to go everywhere, abroad also to ask for assistance for the Cambodian people and to explain to the world the real situation of Cambodia. I can perform my duties as an M.P everywhere. There's no need necessarily to come to this place. One day I will come back," Sam Rainsy, former finance minister

Source: AP Archive

ព័ត៌មានថ្មីបំផុត
តើបញ្ហាប្រជាពលរដ្ឋ គ្មានលទ្ធភាពសងបំណុល ដែលជំពាក់ធនាគារ ត្រូវដោះស្រាយតាមរបៀបយ៉ាងដូចម្តេច?​ / How to tackle the insolvency of indebted poor people?
យើង​រួមគ្នា​ទាមទារ​ឲ្យ​បញ្ចប់និទណ្ឌភាព នៅកម្ពុជា ដើម្បីស្វែងរកយុត្តិធម៌ជូនលោក រ៉ុង ឈុន / Together We Fight to End Impunity: Justice for Mr. Rong Chhun
លិខិតលោក សម រង្ស៊ី ស្តីពីយុទ្ធសាស្ត្រ ទប់ទល់ជំងឺកូវីដ-១៩ ក្នុងពិភពលោក ត្រូវបានចុះផ្សាយថ្ងៃ ០៥ សីហានេះ ក្នុងសារព័ត៌មានអង់គ្លេស Financial Times ដែលជាកាសែតសេដ្ឋកិច្ច ដ៏ល្បីល្បាញជាងគេ ក្នុងពិភពលោក / Sam Rainsy's letter in The Financial Times on the strategy to fight COVID-19.
ជនរងគ្រោះខ្មែរ​ដោយ​ការប្លន់យកដីធ្លី​ ទទួលបានជ័យជំនះលើកដំបូង ដោយតុលាការប្រទេសថៃទទួលយកពាក្យបណ្ដឹងរួមគ្នារបស់ពួកគាត់ដែលចោទក្រុមហ៊ុនថៃថាបានប្លន់ដី។ ​/ Cambodian land grab victims win first battle in a Thailand court that has recognized a first ever cross border class action against a Thai company accused of land plundering.
សេចក្តីអំពាវនាវលោក សម រង្ស៊ី សូមឲ្យកម្លាំងស្នេហាជាតិទូទាំងប្រទេស រួមគ្នា ហើយងើបឈរឡើងទន្ទឹមគ្នា ដើម្បីរំដោះប្រទេសជាតិ ពីរបបផ្តាច់ការ និងក្បត់ជាតិ ដឹកនាំដោយ ហ៊ុន សែន សព្វថ្ងៃ / Sam Rainsy appeals to all the patriotic forces to unite and rise up together to free the country from the present dictatorial and traitorous regime led by Hun Sen.
Flag Counter