SAM Rainsyសហស្ថាបនិកគណបក្សសង្គ្រោះជាតិ

ប៊ុន រ៉ានី ហ៊ុន សែន ជាអ្នកបញ្ជា ឲ្យគេសម្លាប់ ពិសិដ្ឋ ពីលិកា ក្នុងឆ្នាំ ១៩៩៩ / Hun Sen's wife, murderer Bun Rany presides over Cambodia's Bloody Red Cross

ចែករំលែក ៖​

១៩ មិថុនា ២០២២ / 19 June 2022 

ប៊ុន រ៉ានី ហ៊ុន សែន ជាអ្នកបញ្ជា ឲ្យគេសម្លាប់ ពិសិដ្ឋ ពីលិកា ក្នុងឆ្នាំ ១៩៩៩

ទស្សនាវដ្ដីបារាំង ដ៏ល្បីល្បាញ ឈ្មោះ Paris Match ចុះថ្ងៃ ១៦ មិថុនា ២០២២ បានសរសេរយ៉ាងច្បាស់ថា ភរិយាលោក ហ៊ុនសែន ឈ្មោះ ប៊ុន រ៉ានី (ឈ្មោះដើម សាម ហៀង) ជាអ្នកបញ្ជាឲ្យគេសម្លាប់ សិល្បការិនី ពិសិដ្ឋ ពីលិកា ក្នុងឆ្នាំ ១៩៩៩ ដោយសារតែគាត់ប្រចណ្ឌប្តីគាត់។

តើលោក ហ៊ុន សែន និងប្រពន្ធគាត់ ហ៊ានប្តឹងទស្សនាវដ្ដី Paris Match នេះ ឬទេ? ឬក៏ហ៊ានប្តឹងលោក សម រង្ស៊ី ឬទេ? ពីព្រោះ ក្រោយពីទស្សនាវដ្ដីបារាំង ឈ្មោះ L'Express ក្នុងឆ្នាំ ១៩៩៩ លោក សម រង្ស៊ី ក៏បានលាតត្រដាងរឿងអាស្រូវ ក្នុងគ្រួសារ ហ៊ុន សែន នេះ ដែរ។ ពេលនោះ លោក សម រង្សុី បានជួយក្រុមគ្រួសារនាង ពិសិដ្ឋ ពីលិកា ឲ្យភៀសខ្លួន មករស់នៅប្រទេសបារាំង រហូតដល់សព្វថ្ងៃ។

ចំណងជើងអត្ថបទ ក្នុងទស្សវដ្ដី Paris Match នេះ គឺ “Cambodge : La Tyrannie Sans Fin” មានន័យថា "កម្ពុជា ៖ អំណាចផ្តាច់ការ គ្មានទីបញ្ចប់"។