ស្នាដៃ ដ៏អស្ចារ្យ របស់លោក ហ៊ុន ម៉ាណែត / Hun Manet's extraordinary achievements

ចែករំលែក ៖​

១៥ វិច្ឆិកា ២០២២ / 15 November 2022

ស្នាដៃ ដ៏អស្ចារ្យ របស់លោក ហ៊ុន ម៉ាណែត

Hun Manet's extraordinary achievements

ដោយសារតែលោក ហ៊ុន ម៉ាណែត គ្មានស្នាដៃអ្វីទាល់តែសោះ ឪពុកគាត់លោក ហ៊ុន សែន ដែលចង់ឲ្យកូនខ្លួន ឡើងមកកាន់តំណែងបន្ទាប់ពីខ្លួន កំពុងតែប្រើអាម៉ីអាថោង ឲ្យប្រឌិតស្នាដៃ កាន់តែអស្ចារ្យឡើងៗ សម្រាប់ដាក់បញ្ចូលក្នុងប្រវត្តិរូប របស់កូនខ្លួននេះ។

ដូចមានលើកឡើងក្នុងកាសែត Khmer Times ដែលស៊ីឈ្នួលលោក ហ៊ុន សែន

https://www.khmertimeskh.com/.../why-hun-manet-is-the.../

តាំងពី ១០ ឆ្នាំមុន លោក ហ៊ុន ម៉ាណែត បានទទួលបេសកកម្មពីឪពុកគាត់ ឲ្យដើរទំនាក់ទំនងជាមួយសហគមន៍ខ្មែរ ដែលរស់នៅឯនាយសមុទ្រ (សហរដ្ឋអាមេរិក កាណាដា បារាំង អូស្ត្រាលី -ល-) ដើម្បីកាត់បន្ថយឥទ្ធិពលគណបក្សប្រឆាំង និងពង្រឹងឥទ្ធិពលគណបក្សប្រជាជនកម្ពុជា នៅក្រៅប្រទេស។

ប៉ុន្តែបេសកកម្ម របស់លោក ហ៊ុន ម៉ាណែត នេះ ទទួលបរាជ័យ ដូចហេតុការណ៍ខាងក្រោមនេះ បានបង្ហាញ ៖

១- កាលពីឆ្នាំ ២០១៦ លោក ហ៊ុន ម៉ាណែត បានបន្លំយកលុយ ៥ លានដុល្លារសហរដ្ឋអាមេរិក ចូលមកប្រទេសបារាំង ដើម្បីទិញទឹកចិត្តជនជាតិខ្មែរ ដែលរស់នៅប្រទេសបារាំង និងទ្វីបអឺរ៉ុប ឲ្យចុះចូលគណបក្សប្រជាជនកម្ពុជា។ តែនគរបាលបារាំង បានចាប់ ហើយស្កាត់ទុកលុយ ៥ លានដុល្លារនោះ ដល់សព្វថ្ងៃ ពីព្រោះវាជាការប៉ុនប៉ងខុសច្បាប់ ពីសំណាក់លោក ហ៊ុន ម៉ាណែត ដែលចង់នាំលុយដ៏សន្ធឹកសន្ធាប់នេះ ចូលមកស្រុកគេ ដោយលួចលាក់ក្នុងវ៉ាលីសការទូត (valises diplomatiques)។ ដោយសារតែឯកអគ្គរាជទូតកម្ពុជា ប្រចាំប្រទេសបារាំង ពេលនោះ គឺលោក នុត ណារ៉ង (Nouth Narang) មិនអាចហើយមិនបានជួយលោក ហ៊ុន ម៉ាណែត ឲ្យរំដោះលុយ ៥ លានដុល្លារនោះ លោក ហ៊ុន សែន ក៏បានដកលោក នុត ណារ៉ង ពីដំណែង ក្នុងរយៈពេលតែ ២៤ ម៉ោង ប៉ុណ្ណោះ។

២- កាលពីឆ្នាំ ២០១៩ លោក ហ៊ុន ម៉ាណែត ដែលកំពុងធ្វើទស្សនកិច្ច នៅប្រទេសកាណាដា ដើម្បីបញ្ចុះបញ្ចូលជនជាតិខ្មែរ នៅទីនោះ ត្រូវបានពុទ្ធបរិស័ទ នៅវត្តខ្មែរ ទីក្រុងម៉ុងរេអាល់ (Montréal) បណ្តេញចេញពីវត្ត ពីព្រោះពលរដ្ឋខ្មែរ នៅប្រទេសកាណាដា ស្អប់អំពើអាក្រក់របស់លោក ហ៊ុន សែន។

សូមចូលមើល វីដេអូ៖

៣- ក្នុងឆ្នាំ ២០២២ នេះ ពេលដែលគាត់កំពុងធ្វើទស្សនកិច្ច នៅសហរដ្ឋអាមេរិក លោក ហ៊ុន សែន ត្រូវបានជនជាតិខ្មែរមួយរូប យកស្បែកជើងគប់លើក្បាលគាត់ ពីព្រោះជនជាតិខ្មែរ នៅសហរដ្ឋអាមេរិក ក៏ស្អប់ទង្វើអាក្រក់របស់លោក ហ៊ុន សែន ដែរ។

សរុបសេចក្តីទៅ លោក ហ៊ុន ម៉ាណែត ដែលខំយកលុយទៅទិញទឹកចិត្តជនជាតិខ្មែរ ដែលរស់នៅឯនាយសមុទ្រ ទទួលបរាជ័យ យ៉ាងអាម៉ាស់។ ជនជាតិខ្មែរ នៅឯនាយសមុទ្រ ភាគច្រើនលើសលប់ មានជីវភាពខ្ពង់ខ្ពស់ ហើយមានភាពថ្លៃថ្នូរ គឺពួកគេមិនត្រូវការលក់ឧត្តមគតិរបស់ពួកគេ ឲ្យ ហ៊ុន សែន និងក្រុមគ្រួសារ ហ៊ុន សែន ឡើយ។ ពួកគេ ដែលរស់នៅក្នុងប្រទេស ដែលកាន់លទ្ធិប្រជាធិបតេយ្យពិតប្រាកដ ក៏មិនខ្លាចការសំឡុតពី ហ៊ុន សែន ទាលតែសោះ។

ចុងក្រោយនេះ យើងឃើញលោក ហ៊ុន ម៉ាណែត ឈប់ហ៊ានមកឃោសនា នៅចំពោះមុខមហាជនខ្មែរ នៅឯនាយសមុទ្រទៀតហើយ។

 

ព័ត៌មានថ្មីបំផុត
វេទិកាសំឡេងសង្គ្រោះជាតិ ស្តីពី “នៅប្រទេសកម្ពុជា រដ្ឋអំណាចផ្តាច់ការ បង្ខំប្រជាពលរដ្ឋ ឲ្យសូត្ររឿងភូតភរ តៗគ្នា” / Public forum on "The Tyranny of Compelled Speech in Cambodia".
នៅប្រទេសកម្ពុជា ប្រជាពលរដ្ឋត្រូវគេបង្ខំ ឲ្យនិយាយភូតភរតាមរបបផ្ដាច់ការ​ / The Tyranny of Compelled Speech in Cambodia
Sam Rainsy Congratulates Anwar Ibrahim on Winning Malaysian Prime Minister Election
ប្រវត្តិសាស្ត្រ ប្រទេសកម្ពុជា ស្តីពី ការតស៊ូរបស់អ្នកស្នេហាជាតិខ្មែរទាំងអស់ ដើម្បីទាមទារឯករាជ្យ ពីអាណានិគមនិយមបារាំង ហើយដើម្បីការពារបូរណភាពទឹកដី ប្រទេសកម្ពុជា ពីឆ្នាំ ១៩៥១ ដល់ ឆ្នាំ ១៩៥៤ / Cambodia's history: the fight for independence from colonial France from 1951 to 1954.
ដំណឹងចុងក្រោយ ពីប្រទេសម៉ាឡេស៊ី ៖ អតីតគណបក្សកាន់អំណាច UMNO (តំណាងរាស្ត្រ ៣០ នាក់) អាចរួមកម្លាំងជាមួយគណបក្សប្រឆាំងបច្ចុប្បន្ន Alliance of Hope (តំណាងរាស្ត្រ ៨២ នាក់) ដឹកនាំដោយលោក Anwar Ibrahim ដើម្បីបង្កើតរដ្ឋាភិបាលចម្រុះថ្មី / LATEST NEWS FROM MALAYSIA : Former ruling party UMNO (30 parliamentary seats) could join forces with the current opposition Alliance of Hope (82 parliamentary seats) led by Anwar Ibrahim to form a coalition government
Flag Counter