សមាជិកព្រឹទ្ធសភាបារាំងអំពាវនាវឲ្យពលរដ្ឋខ្មែរ រួបរួមគ្នាជុំវិញលោក សម រង្ស៊ី ដូចដែលពលរដ្ឋបារាំងគាំទ្រលោក ហ្សាល ដឹហ្គោល នៅជំនាន់សង្គ្រាមលោកលើកទី ២

ចែករំលែក ៖​

១៤ កក្កដា ២០១៩ / 14 July 2019

ក្នុងឱកាសពិធីប្រកាសសុពលភាព សាខាគណបក្សសង្គ្រោះជាតិ ប្រចាំប្រទេសបារាំង និងទ្វីបអឺរ៉ុប ១៣ កក្កដា ២០១៩  ខណៈដែលលោក សម រង្ស៊ី កំពុងផ្ដល់បទសម្ភាសន៍ដល់វិទ្យុអាស៊ីសេរីតាមប្រព័ន្ធវីដេអូ Skype សមាជិកព្រឹទ្ធសភាបារាំងមួយរូប ដែលមានវត្តមាននៅទីនោះដែរ គឺលោក André Gattolin បានអំពាវនាវឲ្យពលរដ្ឋខ្មែរ រួបរួមគ្នាជុំវិញលោក សម រង្ស៊ី ដូចដែលពលរដ្ឋបារាំងបានធ្វើចំពោះលោក Charles De Gaulle នៅជំនាន់សង្គ្រាមលោកលើកទី ២។

សមាជិកព្រឹទ្ធសភាបារាំងរូបនេះបានថ្លែងថា លោកបានតាមដានប្រវត្តិសាស្ត្រយ៉ាងច្បាស់ ហើយលោកបញ្ជាក់ថា ប្រសិនបើលោកពេញវ័យនៅជំនាន់លោក​ Charles De Gaulle នោះលោកនឹងភៀសខ្លួនទៅទីក្រុងឡុងដ៍ (London) តស៊ូជាមួយ​លោក De Gaulle ។ ដោយឡែក ក្នុង​កាលៈទេសៈនេះ​ ក្នុងឆ្នាំ ២០១៩ នេះ លោក​នឹង​ទៅប្រទេសកម្ពុជា អមដំណើរមាតុភូមិនិវត្តន៍របស់លោក​ ស​ម រង្ស៊ី ដើម្បីស្ដារលទ្ធិប្រជាធិបតេយ្យឡើងវិញនៅកម្ពុជា។«»

ងាកមកនិយាយអំពី ឧត្តមសេនីយ៍ ហ្សាល ដឺ ហ្គោល Général Charles De Gaulle វិញ លោកមិនព្រមទទួលស្គាល់ការចុះចាញ់របស់បារាំងចំពោះប្រទេសអាល្លឺម៉ង់ នៅឆ្នាំ ១៩៤០ ទេ ហើយលោកបានបង្ខំចិត្តភៀសខ្លួនរត់ទៅជ្រកកោណនៅប្រទេសអង់គ្លេស (Angleterre ) ដោយនាំទាំងកងទ័ពដែលសេសសល់ទៅជាមួយផងដែរ។

នៅថ្ងៃ​ ១៨ មិថុនា ឆ្នាំ​ ១៩៤០​ ហ្សាល ដឺ ហ្គោល តាមរយៈប្រព័ន្ធផ្សព្វផ្សាយរបស់អង់គ្លេស លោក​បានអំពាវនាវ​កុំឲ្យ​ពលរដ្ឋ​បារាំង​ទទួល​ស្គាល់បទឈប់បាញ់ ​(Armistice) ដែលប្រធានាធិបតីបារាំង Petain បានចុះហត្ថលេខាជាមួយអធិការបតីអាល្លឺម៉ង់ Hitler ។ លោកអំពាវនាវឲ្យពលរដ្ឋ​បារាំងក្រោកឡើងតស៊ូប្រឆាំងនឹងការត្រួតត្រារបស់អាល្លឺម៉ង់។ នៅទីបំផុត នៅឆ្នាំ ១៩៩៤ ប្រទេសបារាំងបានរំដោះខ្លួនចេញពីការគ្រប់គ្រងរបស់កងទ័ពអាល្លឺម៉ង់ ហើយប្រជាពលរដ្ឋបារាំងទាំងមូលបានចាត់ទុកលោក ឧត្តមសេនីយ៍ ហ្សាល ដឺ ហ្គោល ជាវីរបុរស រំដោះប្រទេសបារាំង ហើយ ក្រោយមកលោក ដឺ ហ្គោល បានក្លាយជាប្រជានាធិបតីបារាំងម្នាក់ដ៏ល្បីល្បាញក្នុងប្រវត្តិសាស្រ្ត៕

នៅតាមដងវិថីនានានៅទីក្រុងប៉ារីស ប្រជាពលរដ្ឋបារាំង ក្មេង ចាស់ ប្រុស ស្រី សប្បាយរីករាយ ទទួលស្វាគមន៍ អបអរសារទរ ឧត្តមសេនីយ៍ Charles De Gaulle ដែលបានរំដោះបារាំងចេញផុតពីការគ្រប់គ្រងរបស់កងទ័ពអាល្លឺម៉ង់ នៅឆ្នាំ១៩៤៤។ (រូបភាព៖ www.independent.ie)

លោក André Gattolin និងលោក Sam Rainsy ក្នុងពិធីប្រកាសសុពលភាព សាខាគណបក្សសង្គ្រោះជាតិ ប្រចាំប្រទេសបារាំង និងទ្វីបអឺរ៉ុប ១៣ កក្កដា ២០១៩។

ព័ត៌មានថ្មីបំផុត
មោទនភាពកម្ពុជា / Cambodia’s pride (*)
ហ៊ុន សែន ត្រូវតែបិទកាស៊ីណូជាបន្ទាន់ ទោះជាបនល្បែងស៊ីសង និងអំពើពាលាអាវ៉ាសែគ្រប់បែបយ៉ាង ផ្តល់ប្រាក់ចំណូលឲ្យថ្នាក់ដឹកនាំពុករលួយ ច្រើន យ៉ាងណាក៏ដោយ ពីព្រោះរដ្ឋអំណាចត្រូវតែការពារអាយុជីវិតប្រជាពលរដ្ឋ មុនអ្វីៗទាំងអស់។​ / (*) Even though the gambling industry is a major source of cash -- in the form of bribes and commissions -- for the corrupt Hun Sen regime, nothing is more important than people's live.
ខួបទី ២៣ នៃអំពើភេរវកម្មបោកគ្រាប់បែក នៅទីក្រុងភ្នំពេញ កាលពីថ្ងៃ ៣០ មីនា ១៩៩៧ / 23rd anniversary of the 30 March 1997 grenade attack in Phnom Penh (*)
យុទ្ធសាស្ត្រដើម្បីជៀសវាងកុំឲ្យសេដ្ឋកិច្ចពិភពលោកដួលរលំ នៅពេលដែលជំងឺ COVID-19 កំពុងតែរាតត្បាត / How to Prevent COVID-19 From Paralysing the World’s Economy
ការចាប់ខ្លួនមេដឹកនាំមូលដ្ឋានរបស់គណបក្សសង្គ្រោះជាតិក្នុងខេត្តកំពង់ឆ្នាំងទាំងបំពាន​ / Arbitrary arrest of CNRP local leader in Kampong Chhnang province
Flag Counter