ពួកអំបែងអណ្តែត ត្រៀមប្រកាសបោះបង់ចោល គម្រោងព្រែកជីក ហ្វ៊ូណន / The Phunan canal project to be abandoned.

ចែករំលែក ៖​

០៣ ឧសភា ២០២៤ / 03 May 2024

ពួកអំបែងអណ្តែត ទាំងអំបែងធំ (ហ៊ុន សែន) ទាំងអំបែងតូច (ហ៊ុន ម៉ាណែត) ទើបតែយល់ដឹងអំពី ផលប៉ះពាល់ដ៏ធ្ងន់ធ្ងរ នៃការជីកព្រែក ហ្វ៊ូណន ទៅលើបរិស្ថាន ក្នុងតំបន់យើងទាំងមូល រហូតដល់កម្ពុជាក្រោម។ ជាពិសេស ព្រែកជីក ហ្វ៊ូណន នេះ នឹងធ្វើឲ្យលំហូរទឹក (water flow) ទន្លេមេគង្គ ថយចុះយ៉ាងខ្លាំង នៅតំបន់ដីសណ្ត (delta) ទន្លេនេះ។

ចរន្តថយចុះនៃលំហូរទឹកនេះ មានច្រើនឆ្នាំមកហើយ ដោយសារការសាងសង់ទំនប់វារីអគ្គិសនី នៅប្រទេសចិន និង ប្រទេសឡាវ តែវានឹងថយចុះកាន់តែខ្លាំងឡើងថែមទៀត ដោយសារព្រែកជីក ហ្វ៊ូណន ដែលនាំឲ្យមានការបង្វែរទឹកទន្លេ មេគង្គ នៅកម្ពុជា។

ការថយចុះលំហូរទឹកបែបនេះ នៅតំបន់ដីសណ្តទន្លេមេគង្គ នឹងធ្វើឲ្យទឹកសមុទ្រឡើងចូលមកកាន់តែជ្រៅទៅៗលើដីគោក គឺកាន់តែឆ្ងាយឡើងៗពីឆ្នេរសមុទ្រ ដែលជាហេតុធ្វើឲ្យខូចដីនៅតំបន់នោះ ដោយសារតែជាតិប្រៃ។ បាតុភូត អំបិលឡើងមកតាមទឹកសមុទ្របែបនេះ (salinization) នឹងធ្វើឲ្យកសិករ មិនអាចធ្វើស្រូវបានដូចមុនទេ។

សូមរំលឹកថា តំបន់ដីសណ្តទន្លេមេគង្គនេះ មានពលរដ្ឋប្រមាណ ១៧ លាននាក់រស់នៅ (មានទាំងខ្មែរកម្ពុជាក្រោមផងដែរ) ហើយក៏ជាប្រភពស្រូវប្រមាណ ៥០% នៃស្រូវ ដែលផលិតនៅប្រទេសវៀតណាមទាំងមូល។

ដូច្នេះ ផលប៉ះពាល់នៃការជីកព្រែក ហ្វ៊ូណន ធ្ងន់ធ្ងរណាស់ មិនអាចឲ្យពួកអំបែងអណ្តែត ធ្វើអ្វីៗបានតាមចិត្ត ដោយមិនមើលមុខមើលក្រោយនោះទេ។ គីង្គក់ពាក់ម្កុដឆ្កួតៗ ឈ្មោះ ហ៊ុន សែន ល្មមដឹងខ្លួនហើយថា ខ្លួននិងកូនចៅដែលនៅជាកង្កែបក្នុងអណ្តូងជាមួយខ្លួន គ្មានចេះធ្វើអ្វី ក្រៅពីពុករលួយ លួចជាតិ បំផ្លាញជាតិ និងនាំគ្រោះថ្នាក់ឲ្យប្រទេសកម្ពុជា។

https://e.vnexpress.net/.../cambodia-s-funan-techo-canal...

មានអាថ៌កំបាំង ២ យ៉ាង ពីក្រោយព្រែកជីកនេះ ៖

១- ព្រែកជីកនេះ ជាផ្នែកមួយតូច នៃយុទ្ធសាស្រ្តចិនកុម្មុយនីស្ត ដើម្បីគ្រប់គ្រងពិភពលោកទាំងមូល ទោះជាប្រទេសកម្ពុជា ត្រូវរងគ្រោះ យ៉ាងណាក៏ដោយ។

២- ព្រែកជីកនេះ ជាប្រធានបទ ដើម្បីឲ្យ ហ៊ុន សែន ធ្វើប្រជាភិថុតិ ដោយបោកបញ្ឆោតប្រជារាស្រ្តខ្មែរ ឲ្យគាំទ្ររបបផ្តាច់ការ តពូជ របស់គាត់។ គាត់ចង់បង្វែរកំហឹងប្រជារាស្រ្តខ្មែរ ចំពោះគាត់ ឲ្យទៅខឹងប្រទេសវៀតណាមវិញ ដើម្បីឲ្យត្រកូលក្បត់ជាតិរបស់គាត់ រួចខ្លួន។

ព័ត៌មានថ្មីបំផុត
អ្នកណាចាប់ដៃ ហ៊ុន សែន នឹងទទួលវាសនាអាក្រក់​ / PERSPECTIVE D’UN GOUVERNEMENT EN FRANCE RESPECTEUX DE SES ENGAGEMENTS AU CAMBODGE
លោក សម រង្ស៊ី ថ្លែងក្នុងវេទិកាចលនាខ្មែរដើម្បីប្រជាធិបតេយ្យ នៅទីក្រុងលីយ៉ុង (Lyon) ប្រទេសបារាំង ថ្ងៃទី០៨ ខែមិថុនា ឆ្នាំ២០២៤
លោក សម រង្ស៊ី ចូលរួមសន្និសីទអន្តរជាតិដែលរៀបចំដោយអង្គការ WORLD LIBERTY CONGRESS (WLC) ឬ សភាសេរីភាពពិភពលោក នៅទីក្រុងអូស្លូ (Oslo) ប្រទេសន័រវ៉េស (Norway)​ / Sam Rainsy attended an international forum organized by the World Liberty Congress (WLC) at the Oslo Freedom Forum
ប្រជាពលរដ្ឋខ្មែរនៅប្រទេសជប៉ុនបាតុកម្មទាមទារឲ្យរបប ហ៊ុន ម៉ាណែត ដោះលែងថ្នាក់ដឹកនាំគណបក្សប្រឆាំងដែលត្រូវបានរបបនេះចាប់ខ្លួន
លោក សម រង្ស៊ី ធ្វើដំណើរទៅទីក្រុង អូស្លូ (Oslo) ប្រទេស ន័រវេស (Norvège ឬ Norway) ដើម្បីចូលរួមសន្និសីទអន្តរជាតិដែលរៀបចំដោយអង្គការ World Liberty Congress (WLC) ឬ សភាសេរីភាពពិភពលោក
Flag Counter