SAM Rainsyសហស្ថាបនិកគណបក្សសង្គ្រោះជាតិ

ប្រព័ន្ធផ្សព្វផ្សាយព័ត៌មានល្បីៗជាច្រើន បានរាយការណ៍អំពីឧក្រិដ្ឋកម្មតាមអ៊ីនធឺណិត (Cybercrime) នៅប្រទេសកម្ពុជា គេបានផ្សព្វផ្សាយជុំវិញពិភពលោក ផ្សាយពី CNN, Fox, Forbe, BBC, Reuters, The Washington Post, Wall Street Journal ។ល។

ចែករំលែក ៖​

១៥ តុលា ២០២៥ / 15 October 2025 

ប្រព័ន្ធផ្សព្វផ្សាយព័ត៌មានល្បីៗជាច្រើន បានរាយការណ៍អំពីឧក្រិដ្ឋកម្មតាមអ៊ីនធឺណិត (Cybercrime) នៅប្រទេសកម្ពុជា គេបានផ្សព្វផ្សាយជុំវិញពិភពលោក ផ្សាយពី CNN, Fox, Forbe, BBC, Reuters, The Washington Post, Wall Street Journal ។ល។

កេរ្ដិ៍ឈ្មោះរបស់ប្រទេសកម្ពុជា នៅលើឆាកអន្តរជាតិត្រូវបានរលាយសាបសូន្យ ស្អុយកខ្វក់ដោយសារក្រុមឧក្រិដ្ឋជនទាំងនោះ ដែលមាន ហ៊ុន សែន និងក្រុមគ្រួសារ ជាអ្នកនៅពីក្រោយ។

សហរដ្ឋ​អាមេរិក និង​ចក្រភព​អង់គ្លេស​រួម​កម្លាំង​គ្នា​ ចាត់ការមេឧក្រិដ្ឋកម្មឆបោកអនឡាញ និងក្រុមហ៊ុនឆបោកនៅកម្ពុជា! បុគ្គលដែលជាមុខសញ្ញាធំបំផុតនៅកម្ពុជា គឺឧកញ៉ា ចេន ហ្ស៊ី (Chen Zhi) ដែលជាទីប្រឹក្សារបស់ ហ៊ុន សែន និងក្រុមហ៊ុន Prince Group TCO របស់ជាតិចិនរូបនេះ។

ក្រសួងយុត្តិធម៌សហរដ្ឋអាមេរិកចាត់វិធានការរឹបអូសដ៏ធំបំផុតមិនធ្លាប់មាន ដែលមានទឹកប្រាក់ប្រមាណ ១៥ពាន់លានដុល្លា នៅក្នុង Bitcoin ដែលបច្ចុប្បន្នស្ថិតនៅក្នុងការបង្កករបស់សហរដ្ឋអាមេរិក។ នេះ​ជា​ចំណាត់ការ​រឹបអូស​ទ្រព្យសម្បត្តិដ៏ធំ​បំផុត​មិនធ្លាប់មានក្នុង​ប្រវត្តិសាស្ត្រ​របស់​ក្រសួង​យុត្តិធម៌សហរដ្ឋអាមេរិក។